المحاصيل
محاصيل معروف مصدرها وبتتجدد مع المواسم، وبعضها بشراكة مباشرة مع المزارع مثل اليمن وإثيوبيا نالا، والإكوادور قريبًا.
للمقاهي والشركات
شريكك في الجودة
محاصيل مختصة قابلة للتتبع، شغف مشترك لنوصل لأفضل طعم بيناسب جمهوركم، ووصفاتنا بين إيديكم. بدون حد أدنى للطلب.
محاصيل قابلة للتتبع
كل محصول معروف مصدره ومتجدد مع المواسم.
بدون حد أدنى
ابدأ بالكمية اللي بتناسب حجم شغلك.
وصفاتنا معكم
بنشارككم وصفاتنا عشان نسهّل عليكم من أول يوم.
وكيل رسمي
ماكينات ميراكي وأدوات CAFEC اليابانية من مصدر واحد.
شو بتاخد معنا
كل اللي بيحتاجه محلك ليقدّم فنجان ثابت ومميّز
الطعم المناسب لجمهوركم
بنشارككم الشغف لنوصل لأفضل طعم بيناسب جمهوركم، وبنشارككم وصفاتنا للإسبريسو والفلتر عشان نسهّل عليكم.
تدريب الفريق
من أساسيات الإسبريسو والكاليبريشن لسرعة الشغل بمحلك، عشان كل فنجان يطلع بنفس المستوى.
المعدات والأدوات
بصفتنا وكيل ميراكي وموزّع CAFEC، بنساعدك تختار الماكينة والأدوات والفلاتر وتجهّز محلك صح.
متابعة مستمرة
فريقنا قريب منك على الواتساب، من سؤال سريع لاختيار محصول جديد مع تغيّر الموسم.
كيف بنشتغل
- 1
قدّم طلبك
احكيلنا عن مقهاك أو شركتك وشو بتدوّر عليه.
- 2
نتذوّق مع بعض
جلسة تذوق بالمحمصة تختار فيها محاصيلك بنفسك.
- 3
نوصل للطعم
بنشارككم وصفاتنا وبندرّب فريقكم.
- 4
نكبر مع بعض
توريد منتظم ومتابعة مع كل موسم جديد.
جلسة تذوق
اختار محاصيلك بلسانك، مش من القائمة
تعال أنت وفريقك عالمحمصة بجبل عمّان. بنحضّرلكم مجموعة من محاصيلنا الحالية، بنتذوقها مع بعض بطريقة الـ Cupping، وبتطلع وأنت عارف شو المحصول اللي بيليق بمحلك وبجمهورك.
أو احجز مباشرة على الواتساب ←أسئلة بتتكرر
في حد أدنى للطلب؟
لا، بتبدأ بالكمية اللي بتناسبك.
بتساعدونا بالوصفات؟
أكيد، بنشارككم وصفاتنا للإسبريسو والفلتر عشان نسهّل عليكم وتوصلوا لأفضل طعم لجمهوركم.
بقدر أغيّر المحصول مع الوقت؟
أكيد. المحاصيل بتتجدد مع المواسم، وبنعمل معكم تذوق للمحاصيل الجديدة قبل ما تنزل بمحلكم.
وين بتصير جلسة التذوق؟
بالمحمصة بشارع أبو سلمى الخلال، جبل عمّان. بنثبّت معك الموعد على الواتساب.
